我、做了LASIK檢查的EYE CHECK了～
承上次的講座之宜，醫生講畢離場後，我就直接預約眼睛檢查的時間了！
|
但原來這個好麻煩的！要一星期不能戴隱形眼鏡天啊(con會影響弧度)……好不容易等到公事告一段落，整整做足七日眼鏡妹(媽媽評: 妳戴眼鏡個樣咁懵既?[直接mode on]) 如是者……終於捱到EYE CHECK那一天呼我頂唔住啦！！
（補充資料：本人近七年長期戴ＣＯＮ重度患者，
眼鏡只有在家裏隨便用，度數唔夠銀框不穩玻璃還有點花……
想到就快做LASIK就不換眼鏡混著用[妳夠了]。）
姑娘人好好。我未食MEAL仲比我食埋三文治……
填好資料就到最緊張的時候了登 登 登 登！！！
抽醫生啦！！！！！
因為我是２２０００港幣的套餐不能揀醫生，
所以都是抽當天有當值的(但姑娘說全部今天都有當值……哈)
當然做功課時上過很多很多forums看
知道有哪幾位經常受褒揚的~~
想到其實對養和有信心，所以都不管了聽天由命！
最終抽中的是Dr. K幸會啊我完全滿意您……
最緊張的時刻過去，終於才開始驗眼(但我已經好累啊剛才內心對話好多怎麼回事)……一位姓Wong的驗眼師帶我跑來跑去穿梭不同房間(我脫了眼鏡都感覺她好漂亮)，運用不同儀器來檢測。
大部分都是手到拿來很易做的，按指示就可以啦。眼壓那個篷一下吹眼好討厭，看看紅看看藍，睜大眼不動機轉照妳一下，又光又暗要望。最熟那個是讀字母表那種(btw我小學時期時自知視力好差、曾經偷雞背字捱過去的……嚴重極憎別人說我近視又深左嗱？←反抗期)，另外有個是紅綠什麼換鏡然後問妳「1鏡定2鏡邊個清啲？」唉、呢種我最搞唔掂，點睇34567號鏡都覺得一模一樣清……這樣眼殘無問題吧我？
完成約莫兩小時的檢查(中間有滴放大瞳孔藥)，Ms. Wong帶我沿秘密通道到樓下四樓(?)，那邊是門診，我等了大概半個鐘。有點累，快睡著的時候姑娘叫我的名，我進了醫生房等，Dr.K未到，我拿了他名片把玩……在用手機影他名片、儲入咭片app時他就白袍霍霍入門了。
「我、我想save返您咭片入手機APPS咋……」
唔知點解我作賊Sam Hui，聲都有啲震──
他濃眉一挑。「哦好。妳唔好用黎當飛標射得啦。」
然後Dr. K開始講一講我的眼睛，重複比信心我，話Lasik手術安全度唔低(我知道呀，我認識有醫生都在養和做Lasik嘛)。我被示意瞓上喺床，他從袋掏出圓鏡睇我隻眼，固定頭後，左右拍肩叫我望望望(睇eye muscles吧？)沒多久又起身，繼續講風險。
(偷拍ing…據報一般人眼角膜厚度４００－６００ｕｍ，
我的大概五百三十六度，非常適合被削開用激光燒一下再蓋回去，
醫生見我還算後生，說會燒盡少少當沙必思)
突然問，「妳知唔知瞳孔係咩──？」
「哦？Pupil丫嘛──」
「係啦！就係Pupil，妳好叻！」(區區識呢隻字就比呢位雙博士讚、好唔意思啊……)「咁妳瞳孔比一般人大左少少，所以做左出黎之後呢、預料夜晚可能易有眩光既情形……」我唔會開車，呢種風險還Ok吧，有事我不會怨您啊。……不過只係可能性高啫！！！最好當然係無事啦～
「……大概就係咁多，妳仲有無資料想我補充？」搖頭。由中學畢業後咁多年，一直一直留意呢項手術，睇過好多好多bloggers同討論串先黎啦我……思前想後儲夠錢就黎嘛。最後他笑笑伸手握了握我的，「交比我啦，加油呀。」
(?)「您都係呀。(自動mute音)」
講拜拜出門口。
搵定的士站位置，預習下一個月後手術完的離開路線……OK！
一切準備就緒！！
(小小抱怨：養和真係好Full囉！！
做之前我又要整整一個禮拜戴返副衰眼鏡！！！)
